NUKUSLIK GIMNASTIKACHI YOSHLAR

Davlatimiz rahbari rahnamoligida bolalar sportini rivojlantirishga, iqtidor egalarini aniqlash va ularni qo‘llab-quvvatlashga qaratilayotgan alohida e’tibor samarasida professional sportga dadil qadam bilan kirib kelayotgan yoshlarimiz safi kengayib bormoqda.

Qoraqalpog‘iston Respublikasi Nukus shahar xalq ta’limi bo‘limiga qarashli 4-bolalar va o‘smirlar sport maktabida besh yuz nafarga yaqin yoshlar nafis sport turi – badiiy gimnastika hamda sport gimnastikasi bilan muntazam shug‘ullanayotir.

Malakali murabbiylar ko‘magida mahorat sirlarini egallayotgan o‘nlab yosh gimnastikachilar mamlakat va xalqaro miqyosdagi musobaqalarda muvaffaqqiyatli ishtirok etmoqda.