НУКУСЛИК ГИМНАСТИКАЧИ ЁШЛАР

Давлатимиз раҳбари раҳнамолигида болалар спортини ривожлантиришга, иқтидор эгаларини аниқлаш ва уларни қўллаб-қувватлашга қаратилаётган алоҳида эътибор самарасида профессионал спортга дадил қадам билан кириб келаётган ёшларимиз сафи кенгайиб бормоқда.

Қорақалпоғистон Республикаси Нукус шаҳар халқ таълими бўлимига қарашли 4-болалар ва ўсмирлар спорт мактабида беш юз нафарга яқин ёшлар нафис спорт тури – бадиий гимнастика ҳамда спорт гимнастикаси билан мунтазам шуғулланаётир.

Малакали мураббийлар кўмагида маҳорат сирларини эгаллаётган ўнлаб ёш гимнастикачилар мамлакат ва халқаро миқёсдаги мусобақаларда муваффаққиятли иштирок этмоқда.