O‘smirlarimizdan navbatdagi g‘alaba
Hindistonda futbol bo‘yicha o‘n olti yoshgacha bo‘lgan o‘smirlar o‘rtasida o‘tkazilayotgan Osiyo chempionatida O‘zbekiston terma jamoasi yamanlik tengdoshlari ustidan 1:0 hisobida g‘alaba qozondi.
O‘yin keskin va murosasiz tarzda kechdi. Uchrashuvning 69-daqiqasida Asadbek Sobirjonov tomonidan kiritilgan yagona gol yakunda terma jamoamizga g‘alaba keltirdi.
Eslatib o‘tamiz, futbolchilarimiz guruhdagi dastlabki uchrashuvda tailandliklarni 5:3 hisobida mag‘lubiyatga uchratgan edi.
Ayni paytda O‘zbekiston o‘smirlar terma jamoasi 6 ochko jamg‘arib, guruhda KXDR bilan birga peshqadamlik qilmoqda. O‘smirlarimiz navbatdagi o‘yinni 23 sentyabr kuni aynan KXDR terma jamoasiga qarshi o‘tkazadi.
