Ўсмирларимиздан навбатдаги ғалаба
Ҳиндистонда футбол бўйича ўн олти ёшгача бўлган ўсмирлар ўртасида ўтказилаётган Осиё чемпионатида Ўзбекистон терма жамоаси яманлик тенгдошлари устидан 1:0 ҳисобида ғалаба қозонди.
Ўйин кескин ва муросасиз тарзда кечди. Учрашувнинг 69-дақиқасида Асадбек Собиржонов томонидан киритилган ягона гол якунда терма жамоамизга ғалаба келтирди.
Эслатиб ўтамиз, футболчиларимиз гуруҳдаги дастлабки учрашувда таиландликларни 5:3 ҳисобида мағлубиятга учратган эди.
Айни пайтда Ўзбекистон ўсмирлар терма жамоаси 6 очко жамғариб, гуруҳда КХДР билан бирга пешқадамлик қилмоқда. Ўсмирларимиз навбатдаги ўйинни 23 сентябрь куни айнан КХДР терма жамоасига қарши ўтказади.
