BUYUK SIYMO YODI
Mamlakatimizda har yili Sohibqiron tavalludi munosabati bilan joylarda turli bayram tadbirlari o‘tkazish yaxshi an’anaga aylanagan.
Har bir mahalla, o‘quv muassasasida uchrashuvlar, davra suhbatlari, turli ko‘tarinki tadbirlar uyushtiriladi. Ana shunday tadbirlardan biri Sohibqiron Amir Temurning 680 yilligiga bag‘ishlab Parkent agrosanoat kasb-hunar kollejida tashkil etildi.
Unda kollejning ma’naviy-ma’rifiy ishlar bo‘yicha direktor o‘rinbosari Murod Orziyev so‘zga chiqib, ulug‘ bobomizning dunyo tamadduni rivojiga qo‘shgan hissasi, mardligi, vatanparvarligi haqida so‘z yuritdi.
Muassasa o‘quvchilari sahnalashtirilgan spektakl namoyish etishdi. “Temur tuzuklari”dan parchalar yod aytishdi. Kuy-qo‘shiqlar yig‘ilganlarga ko‘tarinki kayfiyat ulashdi. Tadbir so‘ngida faol o‘quvchilar – Sirojiddin Umaraliyev, Sardor Rahimberdiyev, Ma’rifat Bahodirova, Sardor Imomov, Rustam Jo‘raboyev, Shohista Ro‘ziyevalar kollejning faxriy yorliqlari bilan taqdirlandi.
G. ShOMALIKOVA,
Parkent agrosanoat kasb-hunar kolleji
ingliz tili o‘qituvchisi
