Mahallamizda Navro‘z
Poytaxtimizning Mirzo Ulug‘bek tumani, Feruza mahallasida o‘tkazilgan Navro‘z ayyomida mahalladoshlar bayram dasturxoni atrofida jamuljam bo‘lishdi.
Mahalla raisi Qosimjon Jalilov barchani ushbu bayram bilan qutlar ekan, qariyalarni e’zozlash, ularga ko‘tarinki kayfiyat ulashish milliy qadriyatlarimizdan biri ekanini qayd etdi.
Duoga qo‘l ochgan nuroniy otaxonlaru onaxonlar shunday betakror Vatanimizga tinchlik-osoyishtalik, yoshlar kelajagiga omadlar tiladilar. Tuman madaniyat uyi xodimlari hamda o‘quvchilar tomonidan yangragan kuy va qo‘shiqlar bayram tadbiriga ko‘tarinkilik ulashdi.
M. XO‘JAMURODOVA
