БАҲОРИЙ ТАОМЛАР КЎРГАЗМАСИ
Бухоро Иқтисодиёт ва банк коллежида Наврўз умумхалқ байрами арафасида “Ораста қизлар” кўрик-танлови ўтказилди.
Коллеж ўқитувчиси Дилдора Жўраева бошчилигида танловга пухта тайёргарлик кўрган муассасанинг биринчи босқич ўқувчилари тенгдошларидан ўзиб кетишди. Пазандалик сирларини пухта эгаллаган қизларнинг намойиш этган кўргазмалари барчада катта қизиқиш уйғотди. Таълим маскани маликалари томонидан ижро этилган саҳна кўринишлари, бадиий ўқиш, қўшиқ ва рақслар ҳам ҳакамлар томонидан муносиб баҳоланди. Кўрик-танлов якунига кўра Мафтуна Жўраева биринчи, Шаҳзода Холмуродова иккинчи, Мадина Раҳматова учинчи ўринни эгаллади.
Шунингдек, коллежда битирувчи ўқувчиларни ишга жойлаштириш ва тадбиркорлик соҳасида уларга кредит ажратиш бўйича давра суҳбати ҳам бўлиб ўтди.
Ойша ХЎДОЙБЕРДИЕВА
