SOG‘LOM TANDA – SOG‘ AQL
2016 yil “Sog‘lom ona va bola” yili munosabati bilan Uchtepa tumanidagi 40-sonli Bolalar va o‘smirlar sport maktabida tuman xalq ta’limi muassasalari faoliyatini metodik ta’minlash va tashkil etish bo‘limi tomonidan umumta’lim maktablari o‘quvchilari o‘rtasida sport musobaqasi o‘tkazildi.
Musobaqada tumandagi maktablardan jami 92 nafar o‘quvchi qatnashdi. Sportning stol tennisi turi bo‘yicha 197-umumta’lim maktab 1-o‘rinni egallagan bo‘lsa, estafeta bahslarida 1-o‘rin 193-maktab o‘quvchilariga nasib qildi.
Tadbirdan ko‘zlangan maqsad sog‘lom turmush tarzini targ‘ib etish, bolalarni jismonan chiniqtirish, sport bilan muntazam shug‘ullanishlariga e’tibor qaratish, hamda ularning darslardan so‘ng bo‘sh vaqtlarini mazmunli tashkil etishdan iborat.
Yulduz RAHMATOVA
