2016 YILDAGI ILK ChAQALOQ FARG‘ONADA TUG‘ILDI
Yangi yilning ilk soniyalarida farg‘ona shahridagi markaziy tug‘ruqxonada qiz chaqaloq dunyoga keldi va u o‘zbekistonda 2016 yilda tug‘ilgan ilk chaqaloq sifatida qayd etildi.
Farg‘onada tug‘ilgan bu chaqaloqning vazni 3 kilogramm 684 grammni tashkil qiladi. Tug‘ilganlarni qayd etish kitobiga 2016 yilning 1 yanvar kunida soat 00: 01da Maftuna Sultonovaning farzandini dunyoga keltirgani haqida ma’lumot qayd etildi.
Bu qizaloq oiladagi ikkinchi farzand bo‘lib, ota-onasi uning “Sog‘lom ona va bola” yilida dunyoga kelganidan nihoyatda xursandligini ta’kidlashgan. Ayni vaqtda chaqaloq ham uning onasi ham o‘zini yaxshi his etmoqda.
J. XOLIQOV,
Farg‘ona viloyati
