2016 ЙИЛДАГИ ИЛК ЧАҚАЛОҚ ФАРҒОНАДА ТУҒИЛДИ
Янги йилнинг илк сонияларида фарғона шаҳридаги марказий туғруқхонада қиз чақалоқ дунёга келди ва у ўзбекистонда 2016 йилда туғилган илк чақалоқ сифатида қайд этилди.
Фарғонада туғилган бу чақалоқнинг вазни 3 килограмм 684 граммни ташкил қилади. Туғилганларни қайд этиш китобига 2016 йилнинг 1 январь кунида соат 00: 01да Мафтуна Султонованинг фарзандини дунёга келтиргани ҳақида маълумот қайд этилди.
Бу қизалоқ оиладаги иккинчи фарзанд бўлиб, ота-онаси унинг “Соғлом она ва бола” йилида дунёга келганидан ниҳоятда хурсандлигини таъкидлашган. Айни вақтда чақалоқ ҳам унинг онаси ҳам ўзини яхши ҳис этмоқда.
Ж. ХОЛИҚОВ,
Фарғона вилояти
