БЕШ КАРРА “ЭНГ ЯХШИ ТЕННИСЧИ”
Сербиялик теннис устаси, дунёнинг биринчи ракеткаси Новак Жокович Халқаро теннис федерацияси (ITF) талқини бўйича йилнинг “Энг яхши теннисчиси” бўлди. Сербиялик теннисчи эришган навбатдаги муваффақияти борасида ўз фикрларини айтиб ўтди.
– Бешинчи бор ушбу совринга эга чиқаётганимдан хурсандман. Ўтган мавсум мен учун энг омадлиси бўлди. Келаси мавсумда ҳам янада яхшироқ иштирок этишга ҳаракат қиламан, – дейди Новак Жокович.
Эслатиб ўтамиз, бир неча кун аввал Новак Жокович ўз ватанида “Йил спортчиси” деб топилганди.
Т. ОРТИҚОВА
