Bolalar xavfsizligi uchun “AQLLI” AVTOMOBIL
“Google” kompaniyasi o‘zining avtopilotga ega avtomobillarini yo‘llarda bolalarni tanishga o‘rgatmoqda. Bu haqda kompaniyaning rasmiy saytida ma’lum qilindi.
Tajriba maqsadida kompaniya o‘z xodimlarining farzandlarini taklif qilib, ulardan avtomobillar sensor oldidan karnaval kostyumlarida yugurib o‘tishni so‘rashdi va bu ijobiy natija berdi.
Ta’kidlash joizki, bolalarning yo‘llardagi xatti-harakatlari kattalarnikidan ancha farqlanadi va ularni oldindan aytish qiyin, ayniqsa bayramlarda. Shuning uchun avtomobil tizimiga dastlab ko‘chada bolalarni boshqa odamlardan va ob’yektlardan farqlashni o‘rgatish lozim. Bolalarning yo‘ldagi xavfsizligini ta’minlashda mazkur avtopilotga ega avtomobillari loyihasi katta ahamiyatga ega.
