IKKI YUZ NAFAR POLVON KURASHADI
Eronning Xurramobod shahrida milliy sportimiz – kurash bo‘yicha X jahon chempionati boshlandi.
Bu galgi jahon chempionatida ellikdan ziyod mamlakatdan ikki yuz nafardan ortiq polvon yetti vazn toifasida chempionlik uchun bellashadi. Mazkur nufuzli musobaqada Vatanimiz sharafini Rahmon Jumayev, Mirjon To‘xtayev, Ma’ruf G‘aybullayev, Abror Jabborov, Davlat Abrayev, Temurxon To‘rayev, Ruslan Boltayev, Valijon Ochilov, Erkin Doniyorov, Muhsin Hisomiddinov va Bekzod Karimov kabi polvonlarimiz himoya qiladi.
Jahon chempionati doirasida Kurash xalqaro assotsiatsiyasi (IKA) ijroiya qo‘mitasining yig‘ilishi va XV kongressi tashkil etilishi rejalashtirilgan.
