Kitobxon oilalar bellashuvi
Sergeli tumani xalq ta’limi muassasalari faoliyatini metodik ta’minlash va tashkil etish bo‘limiga qarashli 300-ixtisoslashtirilgan davlat umumta’lim maktabining Axborot-resurs markazida “Men, ota– onam, bobom va buvim – kitobxon oila” ko‘rik-tanlovining tuman bosqichi o‘tkazildi. Unda hudud miqyosida saralab olingan kitobxon oilalar qatnashdilar.
Ishtirokchilar g‘oliblik uchun barcha shartlar bo‘yicha o‘zaro bellashdilar. Yakuniy natijalar bo‘yicha Otajonovlar, Karimovlar, Zokirovlar oilalari g‘olib deb topildi. Shunga ko‘ra ushbu ta’lim dargohining 5-“b” sinf o‘quvchisi Izzatilla Otajonov, 8-“a” sinf o‘quvchilari Ozoda Bozorboyeva, Sardor Zokirovlar “Eng yaxshi kitobxon o‘quvchi” nominatsiyasini qo‘lga kiritdilar.
Tanlov g‘oliblari diplom va esdalik sovg‘alar bilan taqdirlandilar.
Dilbar MUHIDDINOVA,
poytaxtimizdagi 300-maktab kutubxonasi rahbariKitobxon oilalar bellashuvi
