ZULFIYAXONIM MAKTABI
Yaqinda O‘zbekiston Respublikasi Prezidentining “O‘zbekiston xalq shoiri Zulfiya tavalludining 100 yilligini nishonlash to‘g‘risida”gi qarori e’lon qilindi.
O‘zbekiston yozuvchilar uyushmasi va Respublika Xotin-qizlar qo‘mitasi tomonidan mazkur qaror ijrosini ta’minlash yuzasidan dastur ishlab chiqildi va qaror mohiyatini keng jamoatchilikka yetkazish yo‘llari belgilab olindi.
Toshkent Islom universitetida talabalar turar joyida bo‘lib o‘tgan adabiy uchrashuv ham Zulfiyaxonim ijodi va hayotiga bag‘ishlandi.
Unda talabalar Zulfiyaxonim hayoti va ijodiga tegishli bo‘lgan ko‘plab ma’lumotlarni bilib olishdi. Shu bilan bir qatorda talabalar tomonidan shoira ijodiga mansub ona Vatan, sevgi, sog‘inch, vafo, sadoqat mavzusidagi she’rlardan namunalar o‘qildi.
Unda O‘zbekiston Respublikasida xizmat ko‘rsatgan jurnalistlar San’at Maxmudova va Ra’no Zaripova qatnashdilar.
O‘z muxbirimiz
