YO’LINGIZNI YORITGUVCHI SOYABON
Dunyoning barcha shahar chekkalaridagi qorong‘u ko‘chalarni yoritish yaxshi yo‘lga qo‘yilgan deb aytish qiyin. Hatto, ba’zi paytlarda katta va rivojlangan shaharlarda ham ko‘chalar tuni bilan qorong‘ulikka g‘arq bo‘ladi.
Bunday paytlarda chiroqlarsiz yurish natijasida ko‘plab ko‘ngilsiz vaziyatlar hisoblanmish, asfalt yo‘ldagi teshikka oyog‘ingiz tushib yoki kutilmaganda yo‘l chetidagi to‘siqqa urilib bexosdan oyog‘ingizni sindirib olishingiz mumkin. Lekin kashfiyotchilar bu kabi ko‘ngilsizliklarning oldini oluvchi Light drops umbrella nomli soyabon yaratishdi. Bu soyabon o‘zining shaxsiy chirog‘iga ega bo‘lib, yo‘lingizni yoritish xususiyatiga ega. U bir qancha yorug‘lik chiqaruvchi diod qurilmasidan tashkil topgan bo‘lib, soyabon gumbazining ichki qismiga joylashtirilgan. Qizig‘i shundaki Light drops umbrella soyaboni yorug‘lik energiyasi quvvatini yomg‘ir tomchilaridan oladi.
