Янги усул тери саратонини осон аниқлаш имконини беради
Ватерло университети олимлари меланома (хавфли тери саратони) ни дастлабки босқичида аниқлаш имконини берувчи интеллектуал тизимни ишлаб чиқди. Тизим терида пайдо бўлган нарсаларнинг тасвирини таҳлил қилади ва шифокорларга касаллик белгилари ҳақида маълумот қолдиради. Меланомани ўз вақтида диагноз қилиш кўпчиликнинг ҳаётини сақлаб қолишга ёрдам беради.
Меланома вақтида эумеланин ва гемоглобиннинг бўлиниши юз беради. Интеллектуал тизим бу ўзгаришларни назорат қилиб боради. У орқали шифокорлар анализ учун тўқима ёки органлар қисмидан кесиб олишга зарурият бор-йўқлигини аниқлай олади.
Янги усулни кейинги йилдан қўллаш кутиляпти. У меланомани дигноз қилиш жараёнини сезиларли даражада тезлаштиради, деб хабар беради Zee News нашри.
Миржалол Мадвалиев тайёрлади.
