Ғаройиб стетоскоп
Замон билан ҳамнафас ривожланиб бораётган замонавий тиббиёт ҳам кундан кунга янги кашфиётлар билан дунёни ҳайратга солиб келмоқда. у сафар олимлар техника ва тиббиётни бирлаштирган ҳолда янгиликка қўл уришди.
Аниқроғи, шифокорларнинг ўнг қўлига айланган стетоскоп энди янада замонавий ва янада қулай кўринишга эга бўлди.
Дунёда биринчи маротаба Bluetoth ўрнатилган стетоскоп фойдаланишга топширилди. Янги ихтиронинг афзаллиги шундаки унда юрак уриши ва ўпка эшитиб кўрилади. Ушбу ихтиро текширилаётган аъзоларнинг товушини ҳам эшиттириш имконига эга бўлиб, буларнинг ҳаммасини махсус программалаштирилган компьютер орқали амалга ошириш мумкин. Бу текширувлар орқали беморга аниқ ташхис қўйиш имкони янада кенгайди.
Г. ЭГАМБЕРДИЕВА
