ЭЗГУЛИК элчиларига эҳтиром
Яқинда Ўзбекистон Хотин-қизлар қўмитаси томонидан “Эзгулик элчиларига эҳтиром” деб номланган тадбир ўтказилди.
Тадбирни ўтказишдан кўзланган асосий мақсад – аёлларга оид давлат сиёсатини жамоатчиликка етказиш, қўмита тизимида олиб борилаётган ишларни матбуотда янада кенг ёритиш бўлиб, оммавий ахборот воситалари билан ўрнатилган ижтимоий ҳамкорликни янада мустаҳкамлаш, турли веб-саҳифалар ҳамда бошқа ташкилотларнинг ахборот хизматлари билан дўстона муносабатларни йўлга қўйиш, шунингдек, ҳудудий Хотин-қизлар қўмиталари муассислиги ҳамда ҳамкорлигида чоп этилаётган нашрларни янада фаолроқ бўлиб, тизимда амалга оширилаётган ишларни таҳлилий-танқидий руҳда кенгроқ ёритишга бўлган эътиборни ккучайтиришдан иборат.
Мазкур тадбирда ўзбек аёлининг бугунги қиёфасини очиб бера олган, тизим янгиликларини тезкор ёритган, Ўзбекистон Хотин-қизлар қўмитаси фаолиятини кенг жамоатчиликка етказишда яқиндан ёрдам берган телевидение ва радиожурналистлари, Ахборот агентликлари, газета ва журналлар ҳамда веб-саҳифалар вакилларига Ўзбекистон Хотин-қизлар қўмитасининг махсус ташаккурномаси ҳамда эсдалик совғалари топширилди.
Тадбирда Ўзбекистон Республикаси Бош вазирининг ўринбосари, Хотин-қизлар қўмитаси раиси Элмира Боситхонова иштирок этди ва барчани яқинлашиб келаётган Ўзбекистон Республикаси мустақиллигининг йигирма уч йиллиги билан муборакбод этди.
Муҳаббат ХЎЖАМУРОДОВА
