Hamyurtimiz g‘olib
Samarqand shahrida boshlangan Professional tennischilar uyushmasi – ATR musobaqalari taqvimiga kiruvchi an’anaviy “Chellenjer” xalqaro turniri o‘z yakuniga yetdi.
Yakkalik bahslarida hamyurtimiz Farruh Do‘stov finalda rossiyalik Aslan Karatsevni 7:6, 6:1 hisobida yengib, musobaqa bosh sovrinini qo‘lga kiritdi.
Mazkur musobaqada to‘rtinchi raqamda saralangan hamyurtimiz finalgacha bo‘lgan bahslarda slovakiyalik Adrian Sikorani, gollandiyalik Antal Van Der Dyuim, rossiyalik Valeriy Rudnevni, gollandiyalik Boy Uesterxoflarni mag‘lubiyatga uchratdi.
Juftliklar o‘rtasidagi bahslarda belaruslik tennischilar – Sergey Betov va Aleksandr Buri g‘alaba qozondi.
Sport xabarlarini M.MUHAMMADIYEVA tayyorladi
