“Qatorda noring bo‘lsin”
“Anji” klubi bosh murabbiyi Gus Xiddink “Zenit”ga qarshi kechgan o‘yindan so‘ng o‘zining fikrlarini bildirib o‘tdi.
“Juda kuchli jamoaga qarshi o‘yin o‘tkazdik. Natijani bizning foydamizga yozsak bo‘laveradi. Sababi, hisobda biz ortda borayotgan edik.
Hakamga kelsak, u ko‘plab vaziyatlarda adashdi. Bizda bir vaziyatda penalti bor edi. Yo‘qotishlar ta’sirini o‘tkazmoqda. Masalan, Odil Ahmedov: u yakkakurashlarda to‘pni olib qo‘yishga usta, ayniqsa maydon markazida. Bundan tashqari Samyuel Eto’o va Mubarak Bussufalarsiz bizga keskinlik va aql bilan o‘ynash yetishmadi”, — deydi Xiddink.
Eslatib o‘tamiz, Odil Ahmedov yakshanba kuni jarohatini chuqur tibbiy tekshiruvdan o‘tkazish uchun Germaniyaga uchib ketdi.
