Musiqiy “terapiya” qon bosimingizni tushiradi
Arterial qon bosimining ko‘tarilishi (gipertenziya) insoniyat uchun dunyo miqyosida eng xavfli hisoblanishini tibbiyot xodimlari bir necha bor ta’kidlaganlar. Qon bosimini me’yorlashtirish uchun dori-darmon qabul qilish darkor. Gollandiyalik olimlar esa musiqa asboblarini chalish shifobaxsh va samarali ta’sirga egaligini aniqlashdi.
Musiqa chalishni o‘rganishning ham yoshga nisbatan xuddi sportni o‘rganish kabi o‘ziga xos qat’iy talablari bor, hech bir o‘qituvchi 16 yoshli o‘smirga ilk bora fortepianoda musiqa chalishga o‘rgatishni o‘z zimmasiga olmaydi. Ammo, gollandiyalik olimlarning ixtirosi sharofati bilan musiqa maktablarida o‘rta yoshli hattoki keksa yoshdagi kishilarning paydo bo‘lish ehtimoli bor.
Gollandiyalik tadqiqotchilar biror bir musiqa asbobini har kuni chalish orqali qon bosimi oshishining oldini olish mumkinligini ta’kidlashmoqda. Tadqiqot jarayonida 25 nafar professional musiqachilar hamda 28 nafar musiqaga aloqasi bo‘lmagan kishilar ishtirok etishdi. Ularning o‘rtacha yoshi 18 dan 30 yoshgacha edi. Tadqiqotchilar ishtirokchilarning antropometrik ma’lumotnomalari hamda dunyoqarashi bir-biriga mos kelishi, bir so‘z bilan ayt-ganda birinchi va ikkinchi guruh a’zolari yo qo‘shiq aytish yoki musiqa asbobida chalishni bilishlariga e’tibor qaratishdi.
