Maktabda Navro‘z tantanasi
Shayxantohur tumanidagi 10-sonli maktabda Navro‘z bayramiga bag‘ishlangan tadbir bo‘lib o‘tdi.
Qadriyatlarimiz tarannum etilgan tadbirda o‘quvchilar tomonidan namoyish etilgan milliy liboslar ko‘rgazmasi, milliy kuy-qo‘shiq va raqslar barchaga bahoriy kayfiyat bag‘ishladi. Ayniqsa, taniqli san’atkorlar ijrosida rus va o‘zbek tilida yangragan milliy laparlarimiz barchaga manzur bo‘ldi.
Shuningdek, o‘quvchilar tomonidan tayyorlangan bahoriy taomlar bilan bezatilgan dasturxonlar Hay’at a’zolari tomonidan yuqori baholandi.
Tadbir mazmunli, taassurotlarga boy holda o‘tdi.
Maryam AHMEDOVA
