Kulgu-shifo (2013/51)
Yo‘lakda dadasi bilan ketayotgan bolakay o‘qituvchisiga ro‘baro‘ kelibdi. U salom bermasdan beparvo yo‘liga ravona bo‘libdi. Dadasi bu holatdan ajablanib, o‘g‘lidan so‘rabdi:
– O‘g‘lim, nega o‘qituvchingga salom bermading?
Bolakay dadasining ko‘zlariga boqib, debdi:
– Axir, hozir ta’til-ku…
***
O‘g‘il dadasidan so‘radi:
– Dada, nima uchun gorillaning burun teshiklari katta-katta?..
– O‘g‘lim, chunki, uning barmoqlari ham katta-da!!!
***
Bolalar futbol o‘yinida:
– Sen nima qilib qo‘yding? Axir, o‘z darvozangga gol urib qo‘yding-ku?
– O‘zimni tutib turolmadim, zarba berish uchun qulay vaziyat edi-da…
