Ish jarayonida tik turgan holda ishlovchi kasb egalari uchun mashqlar
Barcha mashqlar stulda o‘tirgan holda bajariladi, faqatgina 4-mashqdan tashqari.
- Stulda o‘tirib, oyoqlar tovonini polga tekkizgan holda, cho‘zamiz, chap qo‘limizni bosh orqasiga ko‘taramiz va chuqur nafas olamiz;
– qo‘llarni bo‘sh tutgan holda, pastga tushiramiz va nafas chiqariladi, o‘ng qo‘limizni bosh orqasiga ko‘taramiz va chuqur nafas olamiz;
– qo‘llarni bo‘sh tutgan holda, pastga tushiramiz va nafas chiqaramiz (6-8 marta bajariladi). - Oyoqlarni cho‘zgan holda, qo‘llar ko‘krak oldiga qo‘yilib, gavdani o‘ng tomonga, so‘ngra chap tomonga buramiz va oldingi holatga qaytamiz (8-10 marta har bir oyoqqa bajariladi).
- Oyoqlarning tovonini polga tekkizgan holda, oldinga qarab cho‘zib, qo‘llarni tepaga ko‘taramiz va pastga egilamiz; shundan so‘ng qo‘llarni yerga tekkizib, tiklanamiz, qo‘llarni tepaga ko‘taramiz, oyoqlarni juftlashtirib oldingi holatga qaytamiz (6-8 marta bajariladi).
- Stolga yuz tomon bilan qarab, uni qo‘l bilan ushlab, o‘ng oyoqni orqaga, oldingi turgan holatga qaytib, o‘tirib turiladi, xuddi shu mashq chap oyoq bilan qaytariladi (8-10 marta bajariladi).
- Oyoqlarni cho‘zib, qo‘llar belda, oyoqlarni chap tomonga so‘ngra o‘ng tomonga harakatlantiramiz. Oldingi holatga qaytib, oyoqlarning uchi bilan ketma-ket tepaga pastga tushiramiz (10-12 marta bajariladi).
- Stulda o‘tirgan holda, qo‘llarni boshdan tepaga ko‘tarib, sekin orqaga egilamiz, qo‘llarni tushirib, o‘ng oyoqni ko‘tarib, qo‘llar bilan qarsak chalamiz, xuddi shu mashqni chap oyoq bilan qaytaramiz (6-8 marta bajariladi).
- Stulda o‘tirgan holda, qo‘llar bilan yelkani ushlaymiz, o‘ng oyoqni oldinga qarab cho‘zamiz, qo‘llarni bo‘sh qilgan holda yonga cho‘zib, oldingi holatga qaytamiz, huddi shu mashqni chap oyoq bilan qaytaramiz (5-6 marta bajariladi).
Nodira KARIMOVA tayyorladi
