O‘smirlarimiz xalqaro turnir ishtirokchisi
Futbol bo‘yicha O‘zbekiston (U-17) o‘smirlar terma jamoasi 30 sentyabrdan 4 oktyabrgacha Ispaniyaning Marbelya shahrida bo‘lib o‘tadigan xalqaro turnirda ishtirok etadi. Bu haqda O‘FF rasmiy sayti xabar bermoqda.
Turnirda Argentina, Kot d`Ivuar hamda Meksika o‘smirlar (U-17) terma jamoalari ham qatnashadi.
Shu yilning oktyabr oyida Birlashgan Arab Amirliklarida bo‘lib o‘tadigan jahon chempionati (U-17) bahslarida yuqoridagi jamoalarning barchasi ishtirok etadi. Shundan ko‘rinib turibdiki, Ispaniyadagi xalqaro turnir yigitlarimiz uchun nufuzli chempionat oldidan tayyorgarlik vazifasini o‘taydi.
Ushbu turnirda (U-17) o‘smirlarimiz ilk uchrashuvda Kotd`Ivuar, so‘ngra Meksika va Argentina yoshlari bilan o‘zaro to‘p surishadi.
