Istomin «Rogers Cup»ni g‘alaba bilan boshladi
Denis Istomin Monreal shahrida boshlangan Masters turkumiga kiruvchi «Rogers Cup» musobaqasini g‘alaba bilan boshladi.
Hamyurtimiz dastlabki davrada serbiyalik Yanko Tipsarevichga qarshi bahs olib bordi va ikki set yakuniga ko‘ra raqibini mag‘lub etdi. Istomin har ikkala setda 16-raqamli tartiblangan tennischining bittadan geymini qo‘lga kiritishga muvaffaq bo‘ldi – 6:4, 6:3.
Denis ikkinchi davrada Niyeminen (Finlyandiya)/Pelivo (Kanada) juftligi g‘olibi bilan to‘qnash keladi. Bu bosqichdan o‘tib olsa, Istomin musobaqaning birinchi raketkasi Novak Jokovich va germaniyalik Florian Mayer juftligi g‘olibi bilan bahs olib boradi.
