Chempionat yakunlandi
Filippin poytaxti Manila shahrida o‘tkazilgan trampolin bo‘yicha o‘smirlar o‘rtasidagi Osiyo chempionatida Nikita Babenishev o‘z yosh toifasida kumush medalga sazovor bo‘lib, III o‘smirlar Olimpiya o‘yinlariga yo‘llanmani qo‘lga kiritdi.
Ta’kidlash lozimki, O‘zbekiston gimnastika federatsiyasi o‘smirlar Olimpiya o‘yinlariga gimnastikaning barcha yo‘nalishlari bo‘yicha litsenziyalarni qo‘lga kiritdi. Bunga qadar sport gimnastikasida 2 ta, akrobatika va badiiy gimnastikada bittadan yo‘llanmalar qo‘lga kiritilgandi. Endi ular qatoriga trampolindan ham bitta yo‘llanma qo‘shildi.
Eslatib o‘tamiz, III o‘smirlar Olimpiya o‘yinlari shu yilning 6-18 oktyabr kunlari Argentina poytaxti Buenos-Ayresda bo‘lib o‘tadi.
T. ORTIQOVA
