Yekaterina Fetisova Argentinaga boradi
Joriy yilning 29 aprel – 2 may kunlari Malayziyada badiiy gimnastika bo‘yicha o‘smirlar o‘rtasida Osiyo chempionati bo‘lib o‘tdi.
Kuala-Lumpur shahrida o‘tgan qit’a birinchiligida 13 nafar o‘zbekistonlik sportchi qatnashdi. Quvonarlisi, atletlarimiz orasida Gimnastikaga ixtisoslashgan respublika olimpiya zaxiralari sport maktabi o‘quvchisi Yekaterina Fetisova o‘z mahoratini namoyish etib, Argentinada bo‘lib o‘tadigan III Olimpiya o‘yinlariga yo‘llanma oldi.
Islom Karimov nomidagi Toshkent xalqaro aeroportida musobaqa ishtirokchilarini kutib olish marosimida ota-onalar, keng jamoatchilik vakillari ishtirok etdi.
T. ORTIQOVA
