O‘zbekistonda “aqlli qishloq”lar paydo bo‘ladi
2018 yilning uchinchi choragida mamlakatda “aqlli qishloq” (smart village) loyihasi sinov tarzda amalga oshirilishi mumkin.
Prezidentning “Hududlarda axborot-kommunikatsiya texnologiyalarini joriy etish va rivojlantirishni tubdan takomillashtirish to‘g‘risida”gi qarori loyihasi qonun hujjatlari ta’sirini baholash tizimi portalida umumiy muhokama uchun joylashtirilgan bo‘lib, unda shunday loyiha xususida so‘z boradi.
“Aqlli qishloq” muqobil manbalardan foydalangan holda o‘zini to‘laligicha energiya bilan ta’minlaydigan uylardan iborat bo‘ladi. Uylar shamol generatorlari, fotoelektr panellari, termonasoslar va boshqa uskunalar bilan jihozlanadi. Shuningdek, ularda qishloq xo‘jaligi sohasiga zamonaviy raqamli texnologiyalarni faol tatbiq etishni ham ko‘zda tutadi.
