O‘zbekistonda kompyuter sportini rivojlantirish dasturi ishlab chiqiladi
O‘zbekistonda kompyuter sportini rivojlantirish dasturi ishlab chiqiladi va tasdiqlanadi. Bu O‘zbekiston Prezidentining “O‘zbekiston Respublikasi Axborot texnologiyalari va kommunikatsiyalarini rivojlantirish vazirligi faoliyatini tashkil etish to‘g‘risidagi”gi qarorida nazarda tutilgan.
Hujjat bilan 2018–2019 yillarda AKTni tubdan takomillashtirish bo‘yicha “yo‘l xaritasi” tasdiqlandi.
Undagi bandlarning biri sifatida “kompyuter sportini rivojlantirish dasturini ishlab chiqish va tasdiqlash” ko‘rsatilgan. Ya’ni, u kompyuter sportini rivojlantirish uchun shart-sharoitlar yaratishni nazarda tutadi.
2018 yil 1 iyulgacha tegishli normativ-huquqiy hujjat ishlab chiqiladi.
