Ilon-robot
Stenford universiteti injenerlari ilonga o‘xshash mexanizm yaratdilar. U to‘siqlardan ilonga o‘xshab sirpanib oshib o‘tishi, teshik va yoriqlarga kirishi hamda yuk tashishi mumkin.
Ilon-robot yumshoq plastikdan yasalgan bo‘lib, u bo‘yini 72 metrgacha cho‘za oladi. Harakatlanishi old qismining hisobiga amalga oshadi va u ilonni eslatadi.
Shuningdek, bu robot yuqori manevrli mexanizm bo‘lib, 35 km. soat tezlikda harakatlanishi, 100 kg. yukni ko‘tarib yurishi mumkin. Ichki kameralarning ma’lum ketma-ketlikda joylashuvini ta’minlovchi maxsus algoritmlar hisobiga robot hattoki, jo‘mrakni burash qobiliyatiga ham ega. Ushbu qurilma agar yanada pishiqroq materialdan ishlansa, undan qutqaruv xizmatlarida foydalanish mumkinligi haqida mutaxassislar fikr bildirmoqda.
