Қовуннинг фойдали хусусиятлари
Қовуннинг инсон саломатлиги учун фойдали жиҳатлари кўп. Қуйида улар ҳақида маълумот берамиз.
- Ҳар қандай турдаги қовуннинг 100 грамми организмнинг С витаминига бўлган суткалик талабини яқин 20–30 фоиз таъминлай олади. Бу витамин тана тўқималарининг нормал ҳолатда бўлиши ва ўсиши учун муҳим. Шунингдек, у жароҳатнинг битишига, суяк ва тишларнинг тикланишига ёрдам беради.
- А витамини кўзнинг тўр пардасини ҳимоя қилади, кўзнинг ўткирлигини яхшилайди. Унинг етишмовчилиги иммунитет тизимида муаммоларни келтириб чиқаради.
- Қовуннинг аксарият навларида В витамини ҳам бўлади. У шакар ва углеводларни қайта ишлашга хизмат қилади. Шундай қилиб, қовун танани қувватлантиради.
- Озишга ёрдам беради. Унинг калорияси жуда кам (100 граммида 35 ккалга яқин), ёғ эса йўқ. Бундан ташқари, унинг суви тўқлик ҳиссини пайдо қилади.
- Қовун таркибида саратонга қарши курашувчи моддалар мавжуд.
- Қон оқимини тезлаштиради. Бу ўз навбатида инсулт ва юрак касалликлари хавфини камайтиради.
- Сийдик ҳайдаш хусусиятига ҳам эга. Эрталаблари мунтазам равишда қовун еб турилса, буйрак соғлом бўлади.
- Қовун таркибидаги витаминлар терини таранглаштиради.
- Ичакларни тозалайди ва қабзиятни даволайди. Ундаги минераллар ошқозон билан боғлиқ муаммоларга сабаб бўлувчи кислотани бартараф қилади.
- Қовун таркибидаги озиқ моддалар соч ўсишини тезлаштиради ва соч тўкилишининг олдини олади.
Миржалол Мадвалиев тайёрлади.
