Заҳарли қизил чумоли: унинг тарқалиш ҳудуди кенгаймоқда
Заҳри ўлимга олиб келувчи қизил, оловранг чумоли Жанубий Америкадан Японияга етиб келган.
Асл ватани Жанубий Америка бўлган, заҳри инсон ўлимига сабаб бўлувчи қизил чумоли Япониянинг Нагоя шаҳар портидан топилди. Мутахассислар чумолиларни портга олиб келинган контейнерлар ичидан топди. Заҳарли ҳашооротлар ўша ернинг ўзида йўқ қилинди. Аммо кема Японияга келгунга қадар бошқа бир қанча давлатларнинг портига ҳам тўхтаган. Энтомологлар чумолиларнинг бутун дунё бўйлаб тарқалишидан хавфсирамоқда. 2017 йилнинг май ойида қизил чумолилар худди шу тарзда, контейнер ичидан Япониянинг Коби портида ҳам топилган эди.
Уларнинг заҳри жуда кучли бўлиб, аллергиядан азият чекувчи инсонлар учун хавфлидир.
Камола АБДУШУКУРОВА,
пойтахтимиздаги 41-умумтаълим мактаби ўқитувчиси
