Xabarlar, yangiliklar, voqealar (2012-48)
- 23 noyabr kuni O‘zbekiston Respublikasi Oliy Majlisi Qonunchilik palatasining navbatdagi yalpi majlisi bo‘lib o‘tdi.
- O‘zbekiston Respublikasi Bosh prokuraturasida huquq-tartibot organlari, davlat boshqaruvi idoralari, jamoat va nodavlat-notijorat tashkilotlarining Idoralararo hamda respublika huquqni muhofaza qiluvchi organlarining Muvofiqlashtiruvchi kengashi yig‘ilishlari bo‘lib o‘tdi.
- O‘zbekiston Oliy va o‘rta maxsus ta’lim vazirligida “Elektron ta’lim” Milliy tarmog‘idan foydalangan holda oliy ta’lim tizimida axborot-kommunikatsiya texnologiyalarining rivojlanishi hamda ushbu sohaga malakali kadrlar tayyorlash masalalariga bag‘ishlangan videokonferensiya bo‘lib o‘tdi.
- Toshkentda mamlakatimizda farmatsevtika sanoati rivojlanishining bugungi holati va istiqbollari masalasiga bag‘ishlangan davra suhbati bo‘lib o‘tdi.
- O‘zbekiston Respublikasi Tashqi iqtisodiy aloqalar, investitsiyalar va savdo vazirligida VI xalqaro sanoat yarmarkasi va Kooperatsiya birjasi yakunlariga bag‘ishlangan anjuman bo‘lib o‘tdi.
- Buxoro viloyatida joriy yilning 9 oyida 1,5 trillion so‘mlik sanoat muhsulotlari ishlab chiqarildi. Shuningdek, “Navoiy” erkin industrial-iqtisodiy zonasida ishga tushirilgan o‘n bitta korxona tomonidan umumiy qiymati 47,7 milliard so‘mlik mahsulot ishlab chiqarildi.
