Atir-upa mahsulotlaridan ko‘p foydalanish sog‘liq uchun zarar

Mutaxassis Keyt Grenvill o‘tkazgan tadqiqot har uch odamdan bittasida atir-upa mahsulotlari tufayli bosh og‘rig‘i, astma, toshma kabi yoqimsiz simptomlar paydo bo‘lishini ko‘rsatdi. 2014 yili o‘tkazilgan tadqiqot esa atir hid orqali yuzaga kelgan migren (vaqti-vaqti bilan tutadigan qattiq bosh og‘rig‘i) kasalligining asosiy sababchisi ekanini isbotlagan edi, deb yozadi The Deccan Chronicle nashri.

Keyt Grenvill deyarli barcha atir-upa mahsulotlarida sun’iy kimyoviy moddalar bo‘lishini aniqladi. Hatto bunday mahsulotlar tarkibidagi tabiiy efir moyi ham zararli bo‘lishi mumkin.

Masalan, atirgul moyi tarkibidagi birikma allergik reaksiyani qo‘zg‘atadi, 1,8-sineol esa jigarga ziyon yetkazadi. Shuni ham ta’kidlash joizki, bu birikmalar ko‘p miqdorda ishlatilgandagina sog‘liqqa xavf soladi.

Mirjalol Madvaliyev tayyorladi.