Stomatolog robot shifokor ishtirokisiz operatsiya o‘tkazdi
Xitoyda ishlab chiqilgan stomatolog robot birinchi marta shifokorlar ishtirokisiz bemorni operatsiya qildi.
Robot bemorga 3D-printerda chiqarilgan ikkita sun’iy tish qo‘ydi. Operatsiyadan avval shifokorlar harakatlar yo‘nalishi va burchagini belgiladi hamda yangi tishlar joyiga maksimal darajada aniq joylashishi uchun chuqurlik parametrlarini ham o‘rnatdi.
Ta’kidlanishicha, robot implantlarni 0,2-0,3 millimetr xatolik bilan o‘rnatgan. Bu esa barcha standartlarga javob beradi. Ekspertlar so‘zlariga ko‘ra Xitoy uchun bunday ishlanma ayniqsa dolzarb. Chunki mamlakatda malakali dantistlar, ya’ni tish shifokorlari yetishmaydi.
V. PO‘LATOVA
