Shavkat Mirziyoev BMT Bosh Assambleyasida chiqish qiladi
12 sentyabr kuni Nyu-York shahrida BMT Bosh Assambleyasining 72-sessiyasi o‘z ishini boshladi. Anjuman doirasida umumiy majlis va umumyalpi siyosiy muhokamalar o‘tkaziladi.
Bosh Assambleyaning oliy siyosiy muzokaralari 19-25 sentyabr kunlari bo‘lib o‘tadi. 19 sentyabr kuni BMT bosh kotibi, AQSH, Armaniston, Afg‘oniston, Braziliya, Isroil, Polsha, Fransiya prezidentlari qatorida O‘zbekiston rahbari Shavkat Mirziyoev ham nutq so‘zlashi rejalashtirilgan.
Muzokaralarning eng dolzarb mavzusi dunyo aholisi uchun munosib hayot yaratish hisoblanadi.
Shavkat Mirziyoev o‘z nutqida Afg‘onistondagi vaziyat, narkotrafik masalalari, yadro qurolini tarqatmaslik, Markaziy Osiyo va dunyodagi ekologik muammolarni tilga olishi kutilmoqda.
