Yangi usul teri saratonini oson aniqlash imkonini beradi
Vaterlo universiteti olimlari melanoma (xavfli teri saratoni) ni dastlabki bosqichida aniqlash imkonini beruvchi intellektual tizimni ishlab chiqdi. Tizim terida paydo bo‘lgan narsalarning tasvirini tahlil qiladi va shifokorlarga kasallik belgilari haqida ma’lumot qoldiradi. Melanomani o‘z vaqtida diagnoz qilish ko‘pchilikning hayotini saqlab qolishga yordam beradi.
Melanoma vaqtida eumelanin va gemoglobinning bo‘linishi yuz beradi. Intellektual tizim bu o‘zgarishlarni nazorat qilib boradi. U orqali shifokorlar analiz uchun to‘qima yoki organlar qismidan kesib olishga zaruriyat bor-yo‘qligini aniqlay oladi.
Yangi usulni keyingi yildan qo‘llash kutilyapti. U melanomani dignoz qilish jarayonini sezilarli darajada tezlashtiradi, deb xabar beradi Zee News nashri.
Mirjalol Madvaliyev tayyorladi.
