Pomidor haqida qiziqarli ma’lumotlar
- “Pomidor” so‘zi italyan tilida “oltin olma” degan ma’noni anglatadi.
- XVI asr o‘rtalarida pomidor Yevropaga olib kelingan, lekin odamlar uni uzoq vaqtgacha iste’molga yaroqsiz, ba’zilar hatto zaharli deb hisoblagan. Bog‘bonlar uni ziynat beruvchi o‘simlik sifatida o‘stirishgan.
- Dastlabki pomidor ishlatiladigan Yevropa ovqatlari retsepti 1692 yili Italiyaning Neapol shahrida nashr qilingan.
- Pomidor – juda foydali mahsulot. Uning tarkibida inson salomatligi uchun zarur bo‘lgan sellyuloza, V guruhidagi vitaminlar, S vitamini, foliokislota, kaliy, natriy, fosfor, magniy, kalsiy, temir va boshqa elementlar ko‘p.
- Pomidorning alohida xususiyatlaridan biri tarkibidagi xolin birikmasidir. U qondagi xolesterin miqdorini kamaytiradi, yangi gemoglobinlarni paydo qiladi va immunitetni mustahkamlaydi.
- Pomidor tomiri yer ostiga 1 metr, eniga 1,5 – 2,5 metrgacha o‘sib boradi. Uning poyasi 2 metrgacha yetishi mumkin.
- Ba’zi pomidorlarning og‘irligi bir kilogrammdan ortadi. Dunyodagi eng yirik pomidor 2,9 kilogramm. U AQSHda yetishtirilgan.
- Eng ko‘p oziq moddalari qurutilgan pomidor tarkibida yig‘iladi. 1 kg qoqi olish uchun, 8–14 kg gacha yangi pomidor kerak bo‘ladi.
- Dunyo bo‘yicha pomidorning 10000 ga yaqin turi bor.
- Pomidorning pushti, sariq, qora tusdagi navlari ham bor.
- Yer yuzida har yili 60 milyon tonnadan ziyod pomidor yetishtiriladi.
- Pomidorning taxminan 95 foizi suvdan iborat.
Mirjalol Madvaliyev tayyorladi.
