Янги тиш пастаси тишларнинг сезувчанлигини камайтиришда ёрдам беради

Баъзи одамлар тишларининг сезувчанлиги юқори бўлгани учун иссиқ ва совуқ ичимликларни ичишдан ўзини олиб қочади. Тиш сезгирлигини камайтирувчи мавжуд пасталарнинг таъсири эса тез йўқолади. Ухан (Хитой) университети олимлари янги тиш пастасини ишлаб чиқди. У тиш сезувчанлигини пасайтиради ва кариеснинг олдини олади, деб хабар беради The Daily Mail нашри.

Олдинги тадқиқотлар фитокимёвий бирикмалар кариесга сабаб бўлувчи бактерияларга қарши курашишини кўрсатганди. Шунинг учун тадқиқотчилар тишни мустаҳкамловчи пасталар таркибига кўк чойдаги галлат эпигаллокатехин моддасини қўшганди.

Мутахассислар суғурилган ақл тишларида янги аралашмани синаб кўришди. Натижада, у дентин (тишнинг суяк тўқималари) каналларини тўлдириши маълум бўлди. Шунингдек, аралашма камида 96 соат давомида галлат эпигаллокатехин моддасини ажратиб бериб туради ва тишнинг емирилишига тўсқинлик қилади. Тадқиқотчилар аралашманинг заҳарлилик даражаси пастлигини таъкидламоқда.

Миржалол Мадвалиев тайёрлади.

Яна ўқинг:  Бу – бор гап

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: