Ozodbek Nazarbekovning “Mendirman” qo‘shig‘iga ishlangan klip asosida yangi milliy serial suratga olinadi
Prezidentimizning 2017 yil 5 iyuldagi “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmoniga muvofiq Shahrisabz shahrida “O‘zbekiston Respublikasida ichki turizmni rivojlantirish istiqbollari va unda yoshlarning o‘rni” mavzusidagi Forum haqida avval xabar bir o‘tgan edik.
Mamlakatimizda ichki turizmni rivojlantirishga qaratilgan mazkur tadbirda 4 yo‘nalish bo‘yicha munozara seksiyalari tashkil etildi. Forumda turizm sohasida tajribaga ega bo‘lgan ilmiy xodimlar va malakali o‘qituvchilar, madaniy meros va muzeylar tizimidagi malakali mutaxassislar, turoperatorlar, gidlar hamda talabalar qatnashishdi.
Ushbu forumda O‘zbekiston yoshlar ittifoqi raisi Qahramon Quronboyev O‘zbekiston xalq artisti Ozodbek Nazarbekovning Jaloliddin Manguberdi timsolini aks ettirgan “Mendirman” qo‘shig‘iga ishlangan klip asosida yangi milliy serial suratga olinishini ma’lum qildi.
Xurshida Husenova,
Shahrisabz
