Озодбек Назарбековнинг “Мендирман” қўшиғига ишланган клип асосида янги миллий сериал суратга олинади
Президентимизнинг 2017 йил 5 июлдаги “Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида”ги фармонига мувофиқ Шаҳрисабз шаҳрида “Ўзбекистон Республикасида ички туризмни ривожлантириш истиқболлари ва унда ёшларнинг ўрни” мавзусидаги Форум ҳақида аввал хабар бир ўтган эдик.
Мамлакатимизда ички туризмни ривожлантиришга қаратилган мазкур тадбирда 4 йўналиш бўйича мунозара секциялари ташкил этилди. Форумда туризм соҳасида тажрибага эга бўлган илмий ходимлар ва малакали ўқитувчилар, маданий мерос ва музейлар тизимидаги малакали мутахассислар, туроператорлар, гидлар ҳамда талабалар қатнашишди.
Ушбу форумда Ўзбекистон ёшлар иттифоқи раиси Қаҳрамон Қуронбоев Ўзбекистон халқ артисти Озодбек Назарбековнинг Жалолиддин Мангуберди тимсолини акс эттирган “Мендирман” қўшиғига ишланган клип асосида янги миллий сериал суратга олинишини маълум қилди.
Хуршида Ҳусенова,
Шаҳрисабз
