Bosh og‘rig‘ining asosiy sabablari
Bosh og‘rishi deyarli har birimizda uchraydigan holat. Ba’zida u bizni ishdan qoldiradi, ba’zida asabiylashishimizga sabab bo‘ladi, ba’zida esa charchatib qo‘yadi. Bosh og‘rig‘ining 10 asosiy sababi quyidagilardan iborat:
- Stress
Ba’zida stress, ko‘p ishlash va asabiylashish bosh og‘riqqa olib kelishi mumkin.
- Ob-havo va undagi o‘zgarishlar
Havo haroratining o‘zgarishi, quyosh nurlarining yetishmasligi va atmosfera bosimini o‘zgarishi asab tizimiga salbiy ta’sir etishi mumkin.
- Gormonlar o‘ynashi
Bu ko‘proq ayollarga tegishli bo‘lgan holat bo‘lib, ovulyasiya davrida gormonlar balansi buzulganligi natijasida ro‘y beradi.
- Alkogol ichimliklar
Alkogol ichimliklar, ayniqsa qizil vino “boshga uradi”.
- Ochlik
Uzoq vaqt davomida och bo‘lib qolish, organizmda toksinlarni ko‘payishiga olib keladi, bu esa bosh og‘riqni yuzaga keltiradi.
- Uyqusizlik yoki aksincha, ko‘p uxlash
Uyqusizlik ko‘p uxlash kabi bosh og‘rig‘ini keltirishi mumkin.
- Mushaklarning zo‘riqishi
Uzoq vaqt davomida noqulay holatda bo‘yinni ushlash (masalan kompyuter oldida) yoki boshqa mushaklarga zo‘riqish beradigan holatda bo‘lish bosh og‘riqni keltiradi.
- Ko‘zning toliqishi
Ko‘z asablarining zo‘riqishi (televizor ko‘rish, sifatsiz video ko‘rish va hokazo) bosh og‘riqni yuzaga keltirishi mumkin.
- O‘tkir hidlar
Kosmetika, atir, kir yuvish vositalari asab tizimini kuchli qo‘zg‘atadi.
- Boshqa sabablar
Undan tashqari bosh og‘riq 50 dan ortiq kasallik alomati bo‘lishi mumkin.
Maqola yoqqan bo‘lsa, do‘stlaringiz bilan bo‘lishing!
Manba: sof.uz
