Yangi vaksina yordamida eng xatarli teri saratonini ham yo‘qotish mumkin
Avstriya, AQSH va Germaniya olimlari teri saratoniga qarshi vaksinalar foyda berishini isbotladi. Bu vositalar tez avj oladigan kasalliklarni davolashda samarali usulga aylanishi mumkin. Ma’lumki, teri saratoni tez tarqaladi.
Klinik tekshiruvlarning birinchi natijalari e’lon qilindi. Emlangan bemorlarda 25 oy davomida kasallik qaytalanishi yuz bermadi.
Shuningdek, olimlar murakkab organik birikmalar asosida emlashni ham birinchi marta sinovdan o‘tkazdi. Natijada, 23 hafta o‘tib 13 nafar bemordan sakkiztasida o‘smalar butunlay yo‘qoldi. Endilikda olimlar saratonning boshqa turlariga qarshi vaksinani tekshiruvdan o‘tkazmoqda.
Mirjalol Madvaliyev tayyorladi.
