Спиртли ичимликлар саратон хавфини оширади
Олимлар кунига икки қадаҳдан спиртли ичимлик истеъмол қилиш ичак ва қизилўнгач саратони хавфини 21 фоизга оширишини аниқлади. 4 қадаҳдан ортиқ ичадиганлар эса меъда ости бези, жигар ва ошқозон саратонига кўп дуч келади, деб хабар беради The Daily Mail нашри.
Мутахассислар ичак, меъда ости бези ва жигар саратони йилига 3 миллиондан ортиқ одамнинг ўлимига сабаб бўлишини эслатиб ўтди. Саратоннинг бу турлари онкологик касалликлар туфайли вафот этганларнинг ҳар учтадан биттасига тўғри келади.
Мутахассислар касалликдан ҳимояланишга ёрдам берадиган уч омилни топишди: мевалар, балиқ махсулотларини кўп истеъмол қилиш ва ширин ичимликлардан фойдаланмаслик саратон хавфини 86 фоизга камайтиради.
Миржалол Мадвалиев тайёрлади.
