Малинанинг фойдали хусусиятлари кўп
Малина таркибида ўзгача ифор таратишга хизмат қилувчи 200 га яқин молекула бор. Шулардан бири – малина кетони совун, шам, конфет каби маҳсулотларга ёқимли ҳид таратиши учун қўшилади. Шунингдек, кўпгина тадқиқотчилар хулосасига кўра, кетон вазнни камайтириш хусусиятига ҳам эга.
2005 йили сичқонларда ўтказилган тажрибалар кетон жигар катталашуви ва организмда ёғ қатлами шаклланишига таъсир кўрсатмаслигини тасдиқлаган эди. Бошқа тадқиқотчилар бу модда ёғ хужайраларидаги молекулалар парчаланишини кучайтиради, деб хабар берганди. Олимлар 2010 йилга келиб кетон ёғ ҳужайралари фаолиятини кучайтиришини аниқлади.
Ўтган йили ҳам сичқонларда синов-тажриба олиб борилганди. Жониворларни овқатлантириш баробарида эллагина кислотаси (малина таркибидаги яна бир модда) бериб борилган. Синовдан сўнг, кетон жигардаги организм ҳолатини яхшиловчи генлар таъсирчанлигини ўзгартириши маълум бўлган.
Лекин Данияда ўтказилган бу йилги тадқиқот кетон аслида ёғ ажралишини камайтира олмаслигини кўрсатди. Шу билан бирга унинг янги хусусияти – терини ёшартириши аниқланди. Бундан ташқари, малина кетони шакар ва қон кетиш хавфи даражасини камайтиради. Лекин у бошқа фаол моддалар билан ўзаро таъсирга киришади, шунинг учун уни дори-дармон воситалари билан бирга ичмаслик тавсия этилади.
Миржалол Мадвалиев тайёрлади.
