Qalbga ozor yetkazilsa…
Bo‘yoq bilan ishlayotgan edim. Rasmni bo‘yay turib, bir rangni chetga chiqarib yubordim. Surat xunuk bo‘lib qolmasligi uchun oq bo‘yoqqa mo‘yqalamni botirdim. Ammo oq rangga bo‘yaganimga qaramay, boyagi bo‘yoq rangi oz-moz bilinib turardi. Shunda bir narsaga amin bo‘ldimki, insonning qalbiga ozor yetkazilgandan so‘ng u har qancha mehr nuri bilan parvarish qilinsa ham avvalgi holiga qaytmas ekan. Yaxshilik bulog‘idan sipqorilsa-da, billur bo‘lak emas, aksincha yelimlangan shisha holiga tusharkan…
E’zoza USMONXO‘JAYEVA,
poytaxtimizning Shayxontohur tumanidagi 34-umumta’lim maktabi 8-sinf o‘quvchisi
