O‘zbekiston va Turkiya shifokorlari Toshkentda tajriba almashishmoqda
Turkiya-O‘zbekiston “Salomatlik haftaligi” doirasida Toshkentga kelgan turk shifokorlari bu yerda 70 dan ortiq yurak-qon tomir, ortopedik, urologik va ginekologik operatsiyalarni o‘tkazishadi.
Toshkentdagi to‘rtinchi Turkiya-O‘zbekiston “Salomatlik haftaligi” TIKA (Turkiyaning hamkorlik va koordinatsiya agentligi) qo‘llab-quvvatlashi ostida ikki mamlakatning Sog‘liqni saqlash vazirliklari tomonidan tashkillashtirilgan. Ushbu haftalik doirasida O‘zbekistonga 19 nafar xorijlik shifokor tashrif buyurgan. Ushbu tadbir shifokorlar o‘rtasidagi birodarlik va do‘stlik aloqalarini yanada mustahkamlaydi, ularga o‘zaro tajriba almashish imkonini beradi.
