Жанубий Кореялик шифокорлар аҳолини тиббий кўрикдан ўтказди

 Мана бир неча йилдирки, “Соғлом авлод учун” хайрия фонди хорижий ҳамкор ташкилотлар билан биргаликда ҳукуматимиз қарорлари ҳамда давлат дастурлари ижросини таъминлаш мақсадида бемор ва ногирон болаларни соғломлаштириш йўлида қатор хайрли лойиҳаларни амалга ошириб келмоқда.

Биргина 2017 йил давомида фонд оналик ва болаликни муҳофаза қилиш бўйича Германиянинг “Friedensdorf International” халқаро ташкилоти, Корея Республикасининг “Save the Children” халқаро фонди, Корея халқаро соғлиқни сақлаш KOFIH Фонди, Ин Ҳа ва Пундан Ча университетлари госпиталларида туғма юрак нуқсони, терининг куйиш асоратлари, туғма қўл-оёқ бўғимлари ва бошқа ташхислар билан оғриган ўзбекистонлик бемор болаларни бепул соғломлаштирди. Айниқса, бу борада Корея Республикаси билан қатор соғломлаштириш дастурлари асосида салмоқли ишлар амалга ошириб келинмоқда.

Жорий йилнинг 15-22 июнь кунлари Корея Республикасининг Ин Ҳа университети госпитали малакали шифокорлари томонидан республикамизнинг бир нечта ҳудудларида аҳоли умумий чуқурлаштирилган тиббий кўрикдан ўтказилади. Жумладан, 16 июнь куни Тошкент вилояти Юқори Чирчиқ туманидаги “Ариранг” саховат уйида, 18-20 июнь кунлари Навоий шаҳридаги “Ханжин групп” комплекси биносида ҳамда 21 июнь куни “Соғлом авлод учун” фонди Тиббий-ижтимоий марказида бўлиб ўтган кўрик давомида терапевт, педиатр, нефролог, гастроэнтеролог, оториноларинтолог, реабилитолог, фармацевт ва ҳамширалардан ташкил топган 15 нафар тиббиёт ходимлари беморларга ўзларининг керакли тавсияларини берди.

Маълумот ўрнида айтиш жоизки, ўтган йилнинг сентябрь ойида ҳам Ин Ҳа Университети госпитали малакали шифокорлари юртимизга ташриф буюриб, жами 1 минг 175 нафар аҳолини (асосан аёллар ва болаларни) чуқурлаштирилган тиббий кўрикдан ўтказган эди.

Ўйлаймизки, оналик ва болаликни муҳофаза қилиш борасида амалга оширилаётган бу каби хайрли ишлар келгусида ҳам давом этади.

 

Майна ҲАСАНОВА

Яна ўқинг:  Фан ойлиги – ўқувчилар билимини бойитади

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: